ليتهم يوم ادفنوني .. ادفنوا ذيك العباية..

قِصَّتي حُزن ومَرَارة ... تِحكي عن سارة الفتون

لبسهاعالموضة دايم ... والعــبــاية بكــل لون

العــطـــر فوَّاح منها ... والكــحل غطَّى العيون

تقول: (إيماني في قلبي ** لا تسيـؤن الظّنون)

يا شَريفة يا عَفيفة ... لِيْه رشِّيتي العطر؟؟

يالِّي أهدافِك نَظيفة ... لِيْه جمَّلتي الثَّغر؟؟

لِيْه لِسِيقانِك كَشفتي... ولِيْه لِشَعْرك والنَّحر؟؟

ليه خصَّرتي العَبَاية .... لِيْن أبْدِيتي الصَّدْر؟؟

شافوا سارة رجال حِسبة ... كلَّموها وانصحوها

مخــــافة الله ذكَّروها ... ومن عذابه حذَّروها

أم ســـارة خاصمتهم ... واشتـــكتهم لأبوها

والأب اللاهي تكلَّم : ... (بنتي حُرَّة اتركوها)

مَــرَّة سارة خارجة ... من بيتها ويَّا الرفيق

اصدمتهم شاحنــــة .... في حادثة وسط الطَّريق

من عُقب مَلْهَى ومَقْهَى ... صاروا في قبرٍ وضِيق

وصاروا عبرة لكلِّ عاصي ... علُّــــه من غيُّه يفيق

الشباب في كلِّ مـــول .... ما دَروا شِي الِّي جَرى

ويــن سارة ؟؟ يسألون ... مـــوت سارة ما طرى

ما دَروا إنِّـــك يا سارة ... غيَّبــــــوكِ في الثَّرى

ما دروا مين الِّي باع ... وما دروا مين اشترى

كَمْ فسَدت وكَمْ غويت... ما سلكْت درب الهِداية

ليْت ربِّي ما عَصيت..... ليْت ما طِعتك هوايَ !!

ليتِنـــي يوم إني مِتْ ... ماتَـــت ذنوبي معايَ !!

ليتـــهم يوم ادفنوني... ادفنـــوا ذِيك العَبَاية !!

ليْت أبويَة يوم جوني ... قال يا بنتي خطيتي !!

ليْت ما طِعْتينـي يُمَّة ... ولعَبـاتي ما شَريتي !!

ليْت لأفعالي نهـيتي ... ولعذابِــي ما سَعيتي !!

ليْت حَرَّصْتـي عَليَّ ... ليْت عنِّـي ما غفِيتي !!

ماأدري وِش بألقى يَا يُمَّة ... يُوم نُومي في القُبور !!

ألقـى حُفْرة وإلاَّ روضَة ... ألقـى ظُلْـــمَة وإلاَّ نور !!

ألقى نــــار وإلاَّ جَنَّــــة ... ألقــى ظِل وإلاَّ حَــرُور !!

آه مِن دُنيَــــا الأمانــــي ... آه من دُنيـــــا الغـــــرور

لِيْه تِبرَّجتـي يا سارة ... ما قَريتـي في الكِتاب ؟!!

السُّوَر أنزلـــها ربِّـي ... فيــها آيـــات الحِجــــاب !!

لِيْه بِحُكْمُه ما رضيتي ... لِيْه جانبتي الصَّواب ؟؟

لِيْه تِكَبَّرْتـي وعَصِيتي ... ما تِذكَّرتي الحِساب ؟!!

يا بَنــات في كِلِّ دِيْرة ... لا تسَـــوُّا مِثل ســارة

التَبَــــرُّج والسُّفــــور .... هوَّعِنـــــوان الخَسارة

الحِجَـــــاب هوَّ الرُّقي ... والتَّقــدًّم والحضـــــارة

الحِجاب تَقْوى وعِبَادة ... الحجاب عِفَّة وطهَارة

ما نقــــول حِجَابنـــــا ... تَقْـليد وعَادة ما نقــول

ما نقـــــــول هوَّ خِيْرَة ... نِتَّبِـــعْها أو نِحُــــول

ما نقــــــول قـــولٍ على ... قول ربِّي والرَّسُــول

ما لنـــا إلاَّ الرِّضــى ... بشَــرْع ربِّــي والقبــول

آلله يهدي بنـآآت آلمسسسسلمين ,,

رآقت لي }~
امجد